28 і 29 лістапада ў 17.30 у кінатэатры “Радуга” адбудзецца чарговы раённы конкурс грацыі і артыстычнага майстэрства “Каралева Восень-2012”. Арганізатарамі гэтага мерапрыемства выступілі РК ГА “БРСМ”, раённая кінавідэасетка і святочнае агенцтва “Вялікае свята”. Сямнаццаць прыгажунь Кобрыншчыны прадэманструюць свае таленты ў разнастайных творчых конкурсах – візітцы, дэфіле, прэзентацыях, танцавальнай дысцыпліне і інш. Самая лепшая канкурсантка будзе ўдастоена галоўнага трафея – каралеўскай кароны.
