Другая абласная школа дырэктараў бібліятэчных сістэм Брэсцкай вобласці прайшла на базе Кобрынскай раённай цэнтралізаванай бібліятэчнай сістэмы.
У мерапрыемствах школы ўдзельнічалі дырэктары бібліятэчных сістэм Брэстчыны, прадстаўнікі Нацыянальнай бібліятэкі Беларусі, Беларускага дзяржаўнага ўніверсітэта культуры і мастацтваў, аддзела культуры Кобрынскага райвыканкама і Кобрынскага ваенна-гістарычнага музея імя А. В. Суворава. Асноўнымі тэмамі выступленняў сталі “Рэдкая кніга”, “Базы даных”, “Асноўныя напрамкі работы бібліятэк”, “Краязнаўства” і “Бібліятэка ў віртуальнай прасторы”. Па аднаму з пытанняў вялася анлайн-трансляцыя з Гомельскай абласной універсальнай бібліятэкі імя У. І. Леніна.
Удзельнікі школы наведалі Залескую публічную бібліятэку і пазнаёміліся з вопытам работы Гарадзецкага філіялу. Упрыгожваннем мерапрыемства стала выступленне вакальнага гурта “Фантазія” Кобрынскай цэнтральнай раённай бібліятэкі.
Наталля Ефціфеева, бібліятэкар аддзела бібліятэчнага маркетынгу Кобрынскай цэнтральнай раённай бібліятэкі
Поделиться в соцсетях:
